Latest News

کراچی کے علاقے ناگن چورنگی کے قریب سڑک پر ذیشان الدین نامی شخص اپنی روٹھی ہوئی بیوی صوفیہ کو منانے کی کوشش کررہا تھا اور اس دوران جب اسے زبردستی گاڑی میں بٹھانے کی کوشش تو اس دوران ناگن چورنگی کے قریب مسجد صدیق اکبر کی سیکیورٹی پر مامور رینجرز اہلکار نے اس دوران فائرنگ کردی جس کے نتیجے میں ذیشان الدین موقع پر ہی جاں بحق جب کہ اس کی بیوی شدید زخمی ہوگئی۔
فائرنگ کے واقعے کے بعد مشتعل افراد نے رینجرز کے خلاف شدید نعرے بازی کی اور گاڑیوں پر پتھراؤ کرکے سڑک کو ٹریفک کے لئے بلاک کردیا، کشیدہ حالات کے پیش نظر علاقے میں پولیس اور رینجرز کی بھاری نفری تعینات کردی گئی ہے۔ ڈی آئی جی ویسٹ جاوید عالم اوڈھو کا کہنا ہے کہ ذیشان نامی شخص رینجرز کی فائرنگ سے ہی جاں بحق ہوا۔ فائرنگ کرنے والے اہلکار رحم نور کو حراست میں لے لیا گیا۔
سندھ رینجرز کے ترجمان کا کہنا ہے کہ علاقہ مکینوں کی جانب سے رینجرز کو خاتون کو اغوا کرنے کی اطلاع دی گئی جس پر اہلکار کی طرف سے وارننگ فائر کیا گیا تاہم  شوہر اور بیوی کے درمیان لڑائی پھر بھی جاری رہی جس پر اہلکار نے مذکورہ شخص کو زخمی کرنے کے لئے فائر کیا تاہم وہ زخموں کی تاب نہ لاتے ہوئے دم توڑ گیا۔ ترجمان کا کہنا تھا کہ واقعے کی تحقیقات جاری ہے اور انکوائری مکمل ہونے کے بعد تمام حقائق عوام کے سامنے لائے جائیں گے۔
دوسری جانب فائرنگ کے نتیجے میں زخمی ہونے والی ذیشان الدین کی بیوی صوفیہ نے اسپتال میں ایکسپریس نیوز سے بات کرتے ہوئے کہا کہ میرا شوہر مجھے سڑک پر بدترین تشدد کا نشانہ بنا رہا تھا اور میرے ناخن بھی توڑ دیئے اس دوران وہاں بہت سارے لوگ موجود تھے اور میں نے انہیں مدد کے لئے پکارا  لیکن  کسی نے نہیں بچایا جس پر رینجرز کی جانب سے فائرنگ کی گئی اور میں بھی زخمی ہوگئی۔

0 comments:

Post a Comment

:) :)) ;(( :-) =)) ;( ;-( :d :-d @-) :p :o :>) (o) [-( :-? (p) :-s (m) 8-) :-t :-b b-( :-# =p~ $-) (b) (f) x-) (k) (h) (c) cheer
Click to see the code!
To insert emoticon you must added at least one space before the code.

 
Top